国庆吉隆坡-槟城-兰卡威7天自由行:含酒店、行程、交通、美食攻略
从5月开始就密谋马拉游,到左10.1日果时好兴奋吖,我未试过自己既国外游一手包办,仲有帮我几个朋友订机票吖,订房吖,做导游添,首先讲下我既行程先:10.1晚上9点50分澳门飞吉隆坡,到达约零晨1点40分,票价:656蚊,吉隆坡飞槟城,票价:130蚊,槟城坐船到兰卡威,票价:60蚊,兰卡威飞吉隆坡,票价:140蚊,吉隆坡飞香港,票价:548蚊,全程交通费用合计:1534蚊/人。
住宿:10.1晚系机场,10.2-10.3晚住槟城,费用:100元*2晚,共200蚊/人,10.4号坐船到兰卡威,费用:100蚊/人,10.5兰卡威另一酒店,费用:100蚊/人,10.6住吉隆坡,110蚊/人,10.7日吉隆坡飞香港。住宿费用共:510蚊/人。
10.1 首先三人从广州南站坐和谐号到珠海北,我就系澳门等距地,我地一共五个人,我同我一个朋友一队,另外三个一队,各自到澳门机场集中,我地大概晚上6点到澳门,其实去既过程中有少意外,好彩都赶得上,如果吾系就迟到喇,大概到机场系晚上8点钟,然后食下也,休息下等上机咯。 10.2 1点40分到达LCCT机场,呢个机场真系好残旧下咯,因为今日系坐7点10分飞槟城既飞机,所以我地为有系呢个机场度逗留5个钟,好彩大家都有准备好报纸吖,同埋围巾,当然吾少得我既颈枕同眼罩喇。
终于上机喇,大概坐左一个钟就到槟城喇,落机后,首先就系去ATM罗马币先,因为系广州都兑换吾到马币,而且呢度用银联卡罗400,系直接出马币,手续费32.47蚊人仔,人民币系735.64蚊,然后系机场门口我朋友买左张电话卡,50马币,可以上网一周及有20元电话费,开头系打算坐巴士,但觉得麻烦,所以就包左部车,RM65五个人,接送我地去酒店同埋车我地去食饭同景点甘。
系飞机上见到天空刚天光既时候,好靓吖
槟城机场既出奇蛋
去酒店途中随拍既槟城
我地既酒店就系呢度4楼,行到我地死死下,好彩有司机吴大叔帮手。(所以听晚我地就改订另外一间酒店)
系酒店放低行李后,吴司机就车我地去槟城大桥,同埋去光大汽车站附近食槟城特色稞条,其实就系米粉黎者,或者广府炒,福建炒吖甘,我食呢个系炒米粉,距既味道系吾错既都,而且好鬼平,先5RM咋。凉茶冰就1.7RM。
食完之后,我地就随便系周围行下,如果有需要,再打电话给司机接我地,槟城既建筑物都好似60,70年代既环境甘,俾我一种好怀旧既感觉,然后我地去到一间饼店,好古老既装修,仲闻到好香既蛋挞味吖,所以点都要入去试下,仲有好可爱既猪仔包。
小伙伴们(左起:小茵,小霞,凌凯,yian)就买左几个蛋挞坐落黎,怀旧怀旧下。
跟住行过马路,我查左查地图,呢度系钟楼,同埋光大广场,附近有水上屋,周桥,之前阿牛系度拍摄过电影系呢度取景,所以我地就沿路问人,好彩个个人都系讲华语既,好快,我地就黎到周桥喇。周桥俾我感觉好似泰国既杜拉拉水上街市,住既系水上屋,然后行到桥头,会见到好靓既大海。
槟城海景
系度扮开摩托车,我无牌架~
好哂吖,我要摘左个太阳落黎,吾系哂死了。不过好彩距哂得黎,有风,吾算热。
原黎阿牛果出电影叫初恋红豆冰,哈哈
系周桥上边好多小商铺
周桥里既屋全部都系甘样,呢间算大间喇。仲有个阳台,夜晚坐系度吹住海风,真系舒服。
两个望海既少女
由周桥出黎会见到好多桥,都系甘上下,无乜太大分别,然后我地就行去光大广场,坐公交车,去升旗山同埋极乐寺。
部车无乜人,我地几个包车
虽然吾多钱,但都系甘2哂一哂喇。
升旗山门口
槟城街景
因为我地坐既车,系经过极乐寺,再转204号车到升旗山总站,所以就系附近随意走走拍拍咯。极乐寺大家都无乜兴趣入去,同埋槟城周围好多印度庙吖,清真寺之类,我都分吾清乜庙打乜庙喇,所以就系事但影一影相,然后就到系车站等车,等左差吾多成大半个钟,就出现204,就嗱嗱声上车,因为系车站果度好鬼热吖,又大尘添。
等车等到闷,自娱自乐下(望右边镜头)
甘耐都仲未有车架。(望左边)
大概坐左20分钟车,就到升旗山喇,门票30RM,如果系本地人就8RM,相差甘多,门票系包括来回缆车上山。
升旗山门口
入去后既会见到一D介绍同埋历史物品
上到山喇,大家合影(左起:小菜,凌凯,小霞,小茵)
升旗山上大合照(终于齐人:小霞,小菜菜,yian,凌凯,小茵)
到我整张单人相喇
山上有座印度庙
大概行左二个钟左右,太阳伯伯都准备落山了,所以我地都跟住距落山喇。
准备坐缆车落山
缆车轨道
下山后,这里有直达车到我们酒店,所以就没有打电话给司机接我们,行左一日,大家都好攰咯,我就即刻取消听晚住宿,转去另外一间。就系光大广场附近的。因为吴司机帮我地订左早上8点15分到兰卡威既船,所以听日距7点钟就黎接我地喇,食完早餐,再去码头。 排队入闸 大概坐左3个几钟头,落船喇,去到都已经12点喇,所以要稳酒店放低行李先,兰卡威呢度全部讲马拉话或者英文,我地就识简单既,系甘既情况下,我通常系俾距睇我地酒店既地址,然后距直接送我地去,呢度全部系七座的士车,3RM一位,上齐就开车,分别送到吾同酒店。
船仓入边既环境,船只虽少,有两层,大概可以坐200多人,空调好劲,冻到我咩甘,有围巾都顶吾顺。
我地今晚就系住呢间酒店
系酒店出黎就好似系条食街甘,有各式各式既广东菜,四川菜等。我地就系对面既一家广东菜餐馆食,呢度既老板仲系广东人黎既添。
今餐系我地黎左甘耐马拉最贵既一餐,380RM一共,最贵就系老虎虾,其余既都吾算好贵。
食完饭就系附近行一行,睇下呢度既环境,夜晚我地就行左瓜埠既超级市场扫完货之后,其余三个同志话好攰,所以我就同我朋友两个人去巨鹰广场喇。
好神似吖呢张,所以一定要发出黎,哈哈哈
10.5 我地叫酒店老板帮我订左出海,兰卡威四个海岛游,鹰岛,湿米岛,孕妇岛吖仲有吾知乜岛,哈哈,吾系好记得喇。总之就280蚊马币五个人,因为今晚既酒店,距离珍南海滩有D远,所以就无去到果度咯,可惜。
一大早到码头,几位小伙伴正在等出海
一大早到码头,等出海,我果时其实好眼训架......ZZZZZ
大概开左20分钟左右,上第一个岛
大概40分钟左右,我地就上船到另外一个岛喇。应该叫湿米岛吧,发觉每个岛,都有好多猴子,距地偷也食既技术一流。
沿山路行落去,好似深谷甘,哇,好清凉,好舒服吖,即时落去浸下脚先。
岩系浸脚果时识到个马拉华桥,又系肥妹仔一名,所以就黎张大合照喇。
海岛游完,番酒店执好行李,就搬去另外既新酒店,呢度系距离机场20分钟,所以就订左呢度喇。呢间酒店内周围有好多猫猫架,有只猫只脚跛左,好可怜,但距好痴人,同好为食架,成日想跟埋我地入房,叫我地俾也距食,加上,距地好鬼瘦,我林都系流浪猫咯,唉。
酒店内周围好多猫仔
入住后,我地放低行李又去稳也食喇,然后途经一间五星级酒店。系网上睇,呢度住一晚480蚊,如果吾系要走,真想系度住一晚,豪一豪距,哈哈。
10.6 下午1点半飞机,所以我地早上11点就约车到机场喇。兰卡威再见喇。
飞机上望落去,兰卡威好靓
呢个时间都无乜人坐飞机
10.6 下午2点多,我地又飞回吉隆坡LCCT机场喇,今晚吾使系度训喇,坐star bus坐到吉隆坡市中心,再有接驳的士车我地到酒店,我地既酒店系唐人街附近,放低行李后我地就坐轻轨去地标双子塔。
行完双子塔都已经系晚上11点几喇,好彩赶得切坐轻轨,吾系既话,打的既话惊俾人昆,又吾识语言,比较麻烦,同埋吾见有唐人开车。
吾知点解,后边果位外国人既眼神好惊吓甘,我系度映相,吓亲距么??55555555
落轻轨后,步行酒店大概15分钟喇,但系夜晚,我地荡失路,行左成40几分钟先到酒店,攰死我喇。
番到酒店已经成12点几,然后冲埋凉都点几两点喇,听日系下午16点40分飞机,所以执好哂D也,就训到听日自然醒。
10.7 10点起身,食完早餐亦同时系午餐喇,系周边行左行,大概12点半左右就出发到机场喇。
就甘,国庆七日话甘快就结束了,只可惜系时间吾够,系吉隆坡只逗留一日,独立广场吖,旧火车站吖等都未去,仲有云顶吖,所以下次有机会再黎。
不好意思,比较忙,而家才复你~槟城我住系升旗山附近,不过住系光大既都可以,兰卡威住贝拉展望酒店,而家好平,2百多一晚吧,之前要480的,吉隆坡就系找当地华侨李生订的,你加他V号:aillip,可以叫他接你去,酒店都几干净,同够安全,附近好多也食